 Eldunaraðferð - Suða
Rúllupylsa er ódýrt álegg sem ekki er mikill vandi að búa til. Hægt er að krydda rúllupylsuna á ýmsa vegu og hafa kryddblönduna sterka eða milda eftir smekk. Margir gera góðan skammt af rúllupylsu á haustin og frysta til að eiga næstu mánuðina.
Flestir halda að það þurfi að leggja baunirnar í bleyti, jafnvel sólarhring áður en sjóða á súpuna, en það er óþarfi. Það er hægt að setja þær beint í pottinn.
Hefðbundin skosk kjötsúpa er að sumu leyti býsna svipuð hinni íslensku en þessi hér inniheldur meðal annars sveskjur og blaðlauk.
Gamaldags og pottþétt rauðkálsuppskrift. Þeir sem einu sinni hafa komist upp á að sjóða rauðkálið sitt sjálfir láta sér ekki niðursoðið rauðkál duga þaðan í frá. Allavega ekki á hátíðisdögum.
Gómsætur, pottréttur, ættaður frá Suður-Afríku, þar sem sætt og kryddað bragð af kartöflum og framandlegu kryddi blandast skemmtilega saman við bragðið af lambakjötinu.
Látið ekki litinn fæla ykkur frá þessum gómsæta rétti. Kjötið er brúnað og síðan soðið í svörtu ólífumauki þar til það er meyrt. Þetta er réttur sem allir ólífuvinir ættu að kunna vel að meta. Mjög gott er að hafa kartöflustöppu með kjötinu en einnig mætti skera afhýddar kartöflur í stóra bita og sjóða þær með síðustu 20 mínúturnar eða svo.
Þegar svið eru soðin er reyndar algengast að soðið sé einungis kryddað með salti, en það er hreint ekki verra að bæta lárviðarlaufi og nokkrum piparkornum í pottinn.
Líklega kaupa flestir sviðasultu tilbúna nú orðið en það er þó mjög auðvelt að gera hana heima - það þarf í rauninni aðeins að sjóða sviðin og fjarlæga svo beinin þegar þau eru orðin vel meyr.
Á meðal Arabaþjóða þykja svið víða sælgæti og þau eru elduð á ýmsan hátt. Til dæmis er algengt að sjóða þau í súpu og eru slíkar súpur gjarna vel kryddaðar og sterkar. Þessi súpa er frá Kúvæt og kallast þar abawaat.
Soðnar, nýjar kartöflur, kryddaðar með smjöri og timjani, eru einstaklega gott meðlæti með lambasteikinni.
Einfaldur, vel kryddaður pottréttur með indversku yfirbragði. Best er að nota karrímauk úr krukku en einnig má nota 2 msk af karrídufti í staðinn.
Þessi sósa hentar mjög vel með lambakjöti sem kryddað er með íslenskum villijurtum, eða t.d. með timjani og hvítlauk. Þurrkaðir villisveppir gefa mjög gott bragð í sósuna en það má líka sleppa þeim og nota þá e.t.v. örlítið meiri villibráðarkraft eða kjötkraft.
Þurrkaðir kóngssveppir eða aðrir villisveppir gefa mjög gott bragð í þessa ljúffengu sósu, sem hentar sérlega vel með steiktu lambakjöti, til dæmis lambalæri eða hrygg á veisluborðinu.
|
Nýjustu uppskriftirnar
|
