 Árstíð - Páskar
Meyr og gómsætur lambavöðvi, gljáður með appelsínumarmelaði og bakaður í súr-sætri appelsínu-balsamedikssósu. Uppskriftin er ættuð frá Ástralíu. Í staðinn fyrir lambavöðva mætti vel nota kindainnlæri, það er ekki síðra. Tilvalin Páskasteik.
Arabar kjósa að hafa lambakjötið gegnsteikt og þess vegna er steikingartíminn sem gefinn er upp hér nokkuð langur. Auðvitað má líka steikja lærið mun skemur ef þess er óskað að það sé bleikt í miðju.
Þessi kryddlögur ætti að henta vel á flestar tegundir af lambakjöti sem á að grilla eða steikja en þó ekki síst á t.d. lambahryggvöðva, innralæri og þess háttar.
Okkar frábæra lambakjöt hentar við ýmis tækifæri og er sannarlega kjörið hráefni í veislumat. Hér er uppskrift að girnilegum rétti sem sómar sér vel í hvaða veislu sem er. Höfundur. Úlfar Finnbjörnsson, matreiðslumeistari.
Uppskriftin birtist í Gestgjafanum 3. tbl. 2007. 
Góð með ofnsteiktu lambi.
Íslenskt lambakjöt, kryddað með villijurtum og berjum til að fá hið eina sanna fjallabragð. Hér er notuð blóðbergsteblanda úr Aðaldal en einnig má nota ýmsar villtar kryddjurtir, innlendar eða erlendar.
Ljúffengt lambalæri á veisluborðið, kryddað með villtum íslenskum kryddjurtum, t.d. blóðbergi. Bragðið verður einstaklega milt og gott en hefur um leið þennan íslenska jurtakeim sem allir kunna að meta.
Tilvalinn hátíðarforréttur!
Lambakjöt er hráefni sem flestum þykir gott og það er tilvalið að útbúa úr því fljótlega og góða rétti. Uppskrift frá Úlfari Finnbjörnssyni sem birtist í klúbbablaði Gestgjafans 2007.
Íslenskt lambakjöt er á meðal þeirra kjöttegunda sem spennandi er að verka í 1-2 sólarhringa með salti og kryddjurtum og borða síðan hrátt, skorið í örþunnar sneiðar. Hér er meðal annars notað blóðberg á kjötið.
Íbúar Provencehéraðs í Frakklandi nota mikið af hvítlauk, tómötum og kryddjurtum í matargerð og þetta gildir auðvitað líka þegar þeir matreiða lambagrillsteikina sína. Tilvalið að steikja í ofni og sem páskasteik.
Gómsætt, úrbeinað lambalæri að hætti Marokkóbúa, kryddað með chermoula, sem er kryddjurta- og kryddblanda sem mikið er notuð þar um slóðir. Kjötið má grilla hvort heldur sem er á útigrilli eða í ofni.
Grikkir vilja yfirleitt hafa lambakjötið sitt alveg gegnsteikt en ef óskað er eftir kjöti sem er bleikt í miðju má stytta steikingartímann verulega frá því sem hér er gefið upp.
Þessi kryddlögur hentar vel á t.d. lambakótelettur og lærissneiðar sem á að grilla. í staðinn fyrir timjan og oregano má nota grískt lambakrydd frá Pottagöldrum
Þessir fylltu tómatar eru tilvalið meðlæti með lambakjöti, bæði grilluðu, ofnsteiktu og pönnusteiktu kjöti. Prófið t.d. að bera þá fram með steiktum lambahrygg eða með lambakótelettum.
|
Nýjustu uppskriftirnar
|
