 Uppruni - Afríka
Gómsætt, úrbeinað lambalæri að hætti Marokkóbúa, kryddað með chermoula, sem er kryddjurta- og kryddblanda sem mikið er notuð þar um slóðir. Kjötið má grilla hvort heldur sem er á útigrilli eða í ofni.
Víðast hvar erlendis er lambahryggur yfirleitt ekki eldaður heill, heldur sagaður eftir endilöngu, og erlendar uppskriftir miðast gjarna við slíka bita. Einnig er algengast að hreinsa kjöt og fitu af rifjaendunum. Nú er hægt að fá hrygginn verkaðan á þennan hátt í sumum verslunum hérlendis (lambakóróna).
Lambakjöt er hátíðamatur og hægt að bera fram á ýmsa vegu. Uppskrift
eftir Úlfar Finnbjörnsson sem birtist í hátíðarblaði Gestgjafans í
desember 2007.
Lambakjöts-tagine frá Túnis. Sítrónusneiðarnar gefa ótrúlega mikið bragð þótt þær séu ekki settar út í fyrr en skammt er eftir af eldunartímanum. Uppskriftin miðast við að rétturinn sé eldaður í ofni en auðvitað færi best á að elda hann í tagine (norður-afrískur leirpottur af sérstakri gerð).
Þessi norðurafríska fylling er nokkuð matarmikil, vel krydduð og ilmrík.
Þetta er norður-afrískur réttur og eiginlega ætti að elda hann í tagine, leirpotti með keilulaga loki. En það er alveg hægt að matreiða hann í venjulegum potti líka.
Matarmikil norður-afrísk kjötsúpa, krydduð með kanel og negul. Nota má ýmislegt annað grænmeti út í súpuna.
Afar matarmikil súpa, eiginlega frekar pottréttur. Súpan er ekki sterkkrydduð en það mætti líka nota meira af kryddi og e.t.v. eitthvað af chilipipar til að gera hana meira krassandi.
Sleppa má apríkósunum og tómötunum og nota eingöngu sveskjur, og þá ívið meira en hér er gert. Þá er líka gott að bæta dálitlu hunangi út í og nota appelsínusafa í staðinn fyrir sítrónusafann.
Þessir afrísku lambagrillpinnar eru svolítið óvenjulegir en uppskriftin er þó mjög einföld. Ef ekki fæst laukduft má nota lauksúpuduft úr pakka, en þá heldur stærri skammt.
Í þessa bragðmiklu lambakjötssúpu, sem ættuð er frá Marokkó, eru notaðar tvenns konar baunir. Kjúklingabaunirnar halda lögun en linsubaunirnar ættu að soðna í mauk. Súpan er ekki sérlega mikið krydduð en það má vel hafa hana sterkari og bæta t.d. dálitlum chilipipar út í hana.
Óvenjulegt meðlæti sem hentar mjög vel með grilluðu lambakjöti, krydduðu að norður-afrískum eða arabískum hætti. Sleppa má sætu kartöflunum og nota meira af kartöflum og gulrótum í staðinni.
Hér eru kótiletturnar látnar liggja í vel krydduðum legi í nokkrar klukkustundir eða allt að sólarhring áður en þær eru grillaðar eða steiktar á grillpönnu.
Önnur norður-afrísk kótilettuuppskrift þar sem notuð er önnur kryddblanda í maríneringuna. Þessar eru ekkert síðri.
Gómsætur, pottréttur, ættaður frá Suður-Afríku, þar sem sætt og kryddað bragð af kartöflum og framandlegu kryddi blandast skemmtilega saman við bragðið af lambakjötinu.
Á meðal íbúa Norður-Afríku þykja svið sælgæti og eru þau matreidd á ýmsan hátt, t.d. soðin í súpum og pottréttum, steikt í ofni eða glóðarsteikt. Hér er ein uppskrift frá Alsír, bouzellouf mechoui.
|
 |
