![kryddjurtalaeri[1].jpg](images/stories/rapidrecipe/kryddjurtalaeri[1].jpg "kryddjurtalaeri[1].jpg") Gott íslenskt lambakjot er einhver besti hátíðamatur sem völ er á. Sunnudagslæri eins og mamma og amma lduðu, með brúnuðum kartöflum, baunum og rauðkáli, steundur auðvitað alltaf fyrir sínu en nú er úr svo miklu fleiri uppskriftum og aðferðum að velja eins og skoða má hér í uppskriftasafni www.lambakjot.is. Margar þeirra eiga sannarlega vel við á jólaborðið.
Ef þið kaupið frosið lambakjöt, t.d. lambalæri, munið þá að það er miklu betra að láta það þiðna á nokkrum dögum í ísskápnum, fremur en á nokkrum klukkustundum á eldhúsbekknum. Kjötið verður safaríkara og meyrara þannig. Þó er best að setja það ekki ískalt í ofninn - best er að það sé sem næst stofuhita - og oft er gott að krydda það nokkru áður en það fer í ofninn, þá tekur kjötið kryddið betur í sig. Þegar kjöt er steikt í ofni kjósa sumir að hafa hitann háan fyrst, á meðan kjötið er að brúnast, og lækka hann síðan; aðrir vilja hafa hitann jafnan og oftast fremur lágan allan eldunartímann en hækka hann e.t.v. ögn í lok steikingartímans ef kjötið hefur ekki tekið nægan lit. Gott er að nota steikarhitamæli til að kanna hvernig steikingunni líður (sjá töflu). Gætið þess að láta oddinn á mælinum ekki snerta bein.
Það er mjög misjafnt hvað fólk vill hafa lambakjöt mikið steikt. Nú orðið þykir líklega flestum best að kjötið sé bleikt í miðju en þó eru sumir sem vilja hafa það alveg gegnsteikt. Þá er hins vegar mikil hætta á að það sé orðið of þurrt að mati annarra. Lausnin er oft sú að meðalsteikja kjötið og gæta þess svo að þeir sem vilja kjötið mikið steikt fái ystu sneiðarnar en hinir, sem vilja kjötið bleikt og safaríkt, fái sneiðar sem næst beininu.
Skerið aldrei lambakjöt (né heldur annað kjöt) um leið og það er tekið úr ofninum. Það þarf að bíða nokkra stund til að kjötsafinn dreifist jafnt um allt stykkið og hitinn jafnist. Látið minni stykki bíða í fáeinar mínútur, læri í 15-20 mínútur áður en það er borið á borð.
|
