Lambalæri kryddað að hætti Jóa Fel

Kjötið
1 stk lambalæri c.a 2 til 2,5 kg
1 búnnt garðablóðberg
2 greinar rósmarin
Vel af Salt og pipar

Hreinsið lærið ef þið viljið. Saxið jurtirnar niður mjög smátt og kryddið með salt og pipar. Veltið kjötinu uppúr olíu, setjið svo kryddið á allt kjötið. Best er að láta kryddið lyggja á kjötinu í nokkra tíma eða yfir sólarhring, en þarf þó ekki nauðsinlega.

Setjið kjötið í ofninn við 120° og eldið í 90 mín. Takið þá kjötið út og stillið ofninn á grill. Látið kjötið standa í c.a 15 mín. Setjið kjötið aftur inn í ofninn undir grillið í c.a 10 mín, en þá ætti að vera komin góð húð á steikina.

Sósan
1 pakki flúðasveppir
½ l rjómi
1 pakki piparostur rifinn
1 msk kjötkraftur
Salt og pipar
2 msk púrtvín eða koníak ef vill

Rauðkálið
1 stk rauðkálshaus
1 grænt epli
2 msk smjör
2 dl rauðvínsedik
200 gr sykur
1dl sólberjasaft
1 msk rifsberjasulta
1dl vatn
Salt

Eplin og rauðkálið er skorið niður, þetta er sett í pott ásamt smjöri og blandað vel saman. Þá er restinni blandað saman við og soðið við vægan hita í c.a 1 ½ - 2 tíma. Hræra þarf reglulega í pottinum.

Brúnaðar kartöflur
1 kg nýjar íslenskar kartöflur
150gr sykur
2 msk smjör
1 dl rjómi

Sjóðið kartöflurnar og takið til hliðar. Brúnið sykurinn á víðri pönnu, setjið þá smjörið saman við og látið leysast upp. Hellið þá rjómanum sman við og lækkið hitann, setjið þá kartöflurnar saman við.