Amerísk grillsósa Þessi ameríska grill- eða barbecue-sósa er mjög góð á kótelettur og lærissneiðar. Hana má nota bæði til að pensla lambakjötið á meðan það grillast og bera hana fram með. Einnig má láta kjötið marínerast í henni en þá er best að skafa sem mest af sósunni af kjötinu áður en það er sett á grillið og pensla svo aftur með henni skömmu áður en það er tekið af til að minni hætta sé á að það brenni.

Apríkósu-barbecue-sósa:

Ástaraldinsósa Grillþátturinn sem sýndur var á RÚV 2005, vakti mikla athygli. Gestgjafi var Nanna Rögnvaldardóttir og var þessa uppskrift að finna þar. Þessa sósu er tilvalið að borða með grilluðum ananas.

Feta- og skyrsósa Þessi sósa er ákaflega góð með grísktu gyros í pítubrauði.

Hoisin-chilisósa Afskaplega einföld grillsósa sem er mjög vinsæl víða í Suðaustur-Asíu og er góð t.d. með grilluðum lambarifjum eða kótelettum.

Hunangsskyrsósa Grillþátturinn sem sýndur var á RÚV 2005, vakti mikla athygli. Gestgjafi var Nanna Rögnvaldardóttir og var þessa uppskrift að finna þar. Þessa sósu er tilvalið að bera fram með grilluðum ananas, ásamt ástaraldinsósu.

Hvítlauks- og gráðaostssósa Köld sósa sem hentar með flestum tegundum af grilluðu lambakjöti. Hana má líka bragðbæta með ýmsum ferskum kryddjurtum eftir smekk, t.d. rósmaríni, timjani eða graslauk.

Hvítlauksmauk Þetta hvítlauksmettaða mauk má nota til að bragðbæta ýmsar heitar og kaldar sósur sem bornar eru fram með lambakjöti, svo og súpur og pottrétti.

Indversk ananas-raita Raita er köld, indversk ídýfa eða meðlæti sem gjarna er borin fram með mikið krydduðum réttum. Oftast er raita gerð úr jógúrt eða ferskosti en skyr hentar líka mjög vel.

Íslenskt hummus Baunamaukið hummus er yfirleitt gert úr kjúklingabaunum - en hver segir að það megi ekki nota eitthvað annað? Til dæmis leifarnar frá Sprengidegi?

Jarðhnetusósa Jarðhnetusósur af ýmsu tagi eru afar algengar í Suðaustur-Asíu, ekki síst í Indónesíu. Margar þeirra eru sterkar og mikið kryddaðar en þessi er mild. Hún hentar vel með grilluðu kjöti, ekki síst lambakebab.

Kaperssmjör Þetta kryddsmjör er gott með grilluðum lambakótilettum eða lærissneiðum. Hér eru kaperskornin höfð heil en einnig má grófsaxa þau áður en þeim er hrært saman við smjörið.

Karríkryddsmjör Þetta karríkryddaða smjör, sem hentar vel með grilluðum lambakótilettum eða t.d. framhryggjarsneiðum, er nokkuð mildilega kryddað en auðvitað má nota meira karrí eftir smekk.

Kryddjurtasósa

Kryddsmjör

Mangó-grillsósa Köld, austurlensk sósa sem hentar vel með grilluðu lambakjöti. Þessa sósu má nota til að pensla t.d. lambalærissneiðar eða kótelettur á meðan þær grillast en einnig má bera hana fram með kjötinu, t.d. ásamt hrísgrjónum. Hún er einnig góð á kebab.

Mintupestó Upprunalega er pestó gert úr basilíku. En það eru til margar mjög góðar útgáfur sem innihalda aðrar kryddjurtir og þessi hér er gerð úr ferskri mintu og á mjög vel við lambakjöt.

Papriku-grillsósa Köld sósa sem er góð með grilluðu lambakjöti af ýmsu tagi. Það má nota minna majónes en gert er í uppskriftinni eða jafnvel sleppa því og nota meiri sýrðan rjóma í staðinn en þá væri betra að nota 18% rjóma, ekki 10%.

Rauðvínssósa Þessi sósa er hugsuð sem meðlæti með villibráðarkrydduðum kindalærvöðva (sjá uppskrift) en auðvitað má nota hana með ýmsu öðru, nota þá e.t.v. bara rauðvín í staðinn fyrir kryddlöginn og bragðbæta sósuna með aðeins meiri villibráðarkrafti eða lambakjötskrafti.

Sítrónu-jógúrtsósa Köld sósa sem á vel við margs konar grillaða lambakjötsrétti, ekki síst ef þeir eru fremur sterkt kryddaðir.

Spænsk papriku-tómatsósa Mjög góð spænsk tómatsósa sem á sérlega vel við grillað lambakjöt af ýmsu tagi, t.d. lambafille eða lærissneiðar.

Timjan-skyrsósa Skyr er mjög gott að nota í ýmsar kaldar sósur og ídýfur, gjarna bragðbættar með ferskum kryddjurtum og e.t.v. hvítlauk. Þessi hentar sérlega vel með grilluðu lambakjöti.

Týtuberjasósa Þessi sósa er ættuð frá Noregi. Í staðinn fyrir týtuberjasultu mætti t.d. nota rifsberja- eða sólberjahlaup en þá er gott að hita það fyrst ásamt örlitlu vatni, þá er auðveldara að hræra því saman við.

Tzatziki Gríska ídýfan tzatziki er í Grikklandi aðallega borin fram sem forréttur eða á undan forréttinum og borðuð með brauði og e.t.v. ólífum, en hún hentar líka vel með grilluðu lambakjöti. Í Grikklandi er hún gerð úr jógúrt en skyr hentar líka mjög vel.

Villibráðarsósa Þessi sósa hentar mjög vel með lambakjöti sem kryddað er með íslenskum villijurtum, eða t.d. með timjani og hvítlauk. Þurrkaðir villisveppir gefa mjög gott bragð í sósuna en það má líka sleppa þeim og nota þá e.t.v. örlítið meiri villibráðarkraft eða kjötkraft.

Villisveppa- og kryddjurtasósa Þurrkaðir kóngssveppir eða aðrir villisveppir gefa mjög gott bragð í þessa ljúffengu sósu, sem hentar sérlega vel með steiktu lambakjöti, til dæmis lambalæri eða hrygg.

Senda á Facebook