Kjötsúpa er hin eina sanna íslenska súpa en það þýðir ekki að allar uppskriftirnar séu eins. Þessi súpa er hálftær en oft eru höfð grjón í henni og þá verður hún þykkari.

Ekkert betra í skammdeginu en gómsæt íslensk kjötsúpa...

Tilbrigði við hefðbundna íslenska kjötsúpu. Hér er t.d. notuð paprika og í staðinn fyrir súpujurtir kemur skessujurt, sem margir eiga úti í garði. Laukurinn er soðinn heill í súpunni en ekki saxaður.

Þessi ítalskættaða lambakjötssúpa er mjög matarmikil og góð, ekki síst með ítölsku brauði. Í staðinn fyrir tómatmauk má nota ferska eða niðursoðna tómata og saxa þá smátt.

Súpur á borð við þessa eru eldaðar um allan Balkanskaga. Hér er grænmetið allt maukað en það mætti líka sleppa því, eða mauka aðeins hluta þess.

Bragðmikið og gott tilbrigði við hefðbundna kjötsúpu. Það má líka sleppa því að sjóða beinin með í súpunni en hún verður mun bragðmeiri ef það er gert.

Þessi góða kjötsúpa er bragðmikið en létt tilbrigði við hefðbundna íslenska kjötsúpu og í hana eru meðal annars notaðir sveppir og paprika.

Ekta ungverskar gúllassúpur eru líklega oftast gerðar úr nautakjöti en það má einnig gera þær úr lambakjöti og er raunar ekkert síðra.

Í þessa súpu má auðvitað nota súpukjöt en ekki er síðra að nota kjöt af lambaframhrygg, sem er úrbeinað og fituhreinsað að nokkru leyti og síðan skorið í minni bita. Beinin má svo nota til að búa til gott lambasoð sem haft er sem grunnur í kjötsúpuna.

Gott kjötsoð er undirstaða í mörgum pottréttum, súpum og sósum. Oft má notast við vatn og súputeninga eða kjötkraft en ef til eru bein er sjálfsagt að nýta þau og sjóða af þeim gott soð. Hér er einföld útgáfa sem hentar t.d. vel í súpu.

Þegar lambakjöt er keypt á beini en síðan úrbeinað áður en það er matreitt, eins og gert er í öllum uppskriftunum á þessari opnu, er engin ástæða til að henda beinunum, því að af þeim má sjóða kraftmikið og gott soð sem nota má í súpur, sósur og pottrétti. Ef það sem til fellur hverju sinni er svo lítið að varla tekur því að búa til soð er tilvalið að frysta beinin og safna saman og búa svo til stóran skammt af soði. Soðið má nota strax, kæla það og geyma í ísskáp í nokkra daga, eða frysta það í hæfilegum skömmtum og nota þegar þörf er á.

Kjötsúpa er fleira en þessi hefðbundna íslenska, þótt hún sé auðvitað alltaf góð. Þeir sem vilja léttari súpu með meira grænmeti ættu kannski að prófa þessa hér.

Hefðbundin íslensk kjötsúpa er afbragðsgóð en sumir forðast hana af því að þeim finnst kjötið of feitt og e.t.v. ólystugt, eða þeir kunna ekki að meta rófur og annað grænmeti sem í henni er. Þá er lausnin að nota fituminna kjöt og breyta til með grænmeti. Hér er ein slík útgáfa:

Matarmikil norður-afrísk kjötsúpa, krydduð með kanel og negul. Nota má ýmislegt annað grænmeti út í súpuna.

Afar matarmikil súpa, eiginlega frekar pottréttur. Súpan er ekki sterkkrydduð en það mætti líka nota meira af kryddi og e.t.v. eitthvað af chilipipar til að gera hana meira krassandi.

Í þessa bragðmiklu lambakjötssúpu, sem ættuð er frá Marokkó, eru notaðar tvenns konar baunir. Kjúklingabaunirnar halda lögun en linsubaunirnar ættu að soðna í mauk. Súpan er ekki sérlega mikið krydduð en það má vel hafa hana sterkari og bæta t.d. dálitlum chilipipar út í hana.

Flestir halda að það þurfi að leggja baunirnar í bleyti, jafnvel sólarhring áður en sjóða á súpuna, en það er óþarfi. Það er hægt að setja þær beint í pottinn.

Hefðbundin skosk kjötsúpa er að sumu leyti býsna svipuð hinni íslensku en þessi hér inniheldur meðal annars sveskjur og blaðlauk.

Á meðal Arabaþjóða þykja svið víða sælgæti og þau eru elduð á ýmsan hátt. Til dæmis er algengt að sjóða þau í súpu og eru slíkar súpur gjarna vel kryddaðar og sterkar. Þessi súpa er frá Kúvæt og kallast þar abawaat.