Próvens-kryddlögur:
1 sítróna • 4 msk ólífuolía • 1 msk herbes de Provence eða önnur góð kryddjurtablanda • nýmalaður pipar • salt
Safinn kreistur úr sítrónunni. Olíu, kryddjurtum, pipar og salti hrært saman við og kjötið látið liggja í blöndunni á meðan grillið er að hitna eða í allt að 1 klst við stofuhita.
Grískur kryddlögur:
1 sítróna • 2 hvítlauksgeirar • 4 msk ólífuolía • 1/2 tsk timjan • 1/2 tsk oregano (í staðinn fyrir timjan og oregano má nota grískt lambakrydd frá Pottagöldrum) • nýmalaður pipar • salt
Safinn kreistur úr sítrónunni og hvítlauksgeirarnir saxaðir smátt. Allt hrært vel saman og kjötið látið liggja í leginum í a.m.k. 2 klst og gjarna yfir nótt.
 Mintukryddlögur
4 msk ólífuolía • 1 msk vínedik • 2-3 hvítlauksgeirar, saxaðir • 4 msk fersk mintulauf, söxuð • nýmalaður pipar
Olía og edik þeytt saman og síðan er hvítlauk, mintu og pipar hrært saman við. Kjötið látið liggja í leginum í a.m.k. 3 klst og gjarna yfir nótt.
 Austurlenskur kryddlögur
4 límónur (lime) • 6 hvítlauksgeirar • 1 msk rifinn engifer • 5 msk olía • nýmalaður pipar • salt
Safinn kreistur úr límónunum og hvítlauksgeirarnir saxaðir smátt. Allt hrært vel saman og kjötið látið liggja í leginum á meðan grillið er hitað, eða í allt að 2 klst.
Teriyaki-kryddlögur
1 dl sojasósa • 1/2 dl sérrí • 2 msk púðursykur • 2 msk vínedik • 4 msk olía • 2 hvítlauksgeirar, saxaðir smátt •1 msk rifinn engifer
Allt sett í pott, hitað upp undir suðu og síðan látið kólna áður en kjötið er lagt í löginn. Marinerað í hálftíma eða lengur, jafnvel yfir nótt.
Karabískur kryddlögur
1/2 dl appelsínusafi, nýkreistur • 1/2 dl límónu- eða sítrónusafi, nýkreistur • 1/2 dl olía • 2-3 hvítlauksgeirar, saxaðir smátt • 1-2 msk chilisósa, mild eða sterk eftir smekk • nýmalaður pipar • salt
Allt hrært vel saman. Kjötið látið liggja í leginum í a.m.k. 1 klst.
 Hvítlaukskryddlögur
6 hvítlauksgeirar, saxaðir smátt • 1 dl steinselja, söxuð • 1 msk pestósósa • 6 msk ólífuolía • nýmalaður pipar • salt
Allt þeytt vel saman, gjarna í matvinnsluvél eða blandara. Kjötið látið liggja í leginum í a.m.k. hálftíma.
|
